வலைப்பதிவர்களுக்கு ஒரு வேண்டுகோள்!

சிலநாட்களாக தமிழ் வலையுலகம் சர்ச்சைகளில் சிக்கி அவதிப்பட்டு வருகிறது. ஆபரேஷன் அல்மா சயூப் தொடங்கி வைத்த இந்த சச்சரவுகள் ஜிகாதி என்றெல்லாம் திசைமாறி கடைசியில் பலிகடாவாக தமிழ்மணம் திரட்டி மாற்றப்படும் நிலை ஏற்பட்டிருக்கிறது.



தமிழ்மணத்தால் ஒதுக்கப்பட்ட அல்லது ஒதுக்கப்பட விரும்பும் சில மத, சாதி வெறியர்கள் எவ்வித ஆதாரமும், அடிப்படை தார்மீக நெறியும் இன்றி தமிழ்மணத்தின் மீது தொடர்ந்து அவதூறு கற்பித்து வருகிறார்கள். எண்ணற்ற திரட்டிகள் இருக்க, குறிப்பாக தமிழ்மணமும் அதன் போட்டி திரட்டியுமான தேன்கூடுமே தமிழ்வலைப்பதிவுகளை திரட்டுவதில் முன்னணியில் நிற்கிறது.

இப்படிப்பட்ட நிலையில் ஆபரேஷன் சல்மா அயூப்பில் ஈடுபட்ட அமுகவினருக்கு தமிழ்மணம் தான் ஐ.பி. எண்களை அளித்தது என்ற குற்றச்சாட்டு மிகுந்த நகைப்புக்குறியது. ஏன் தேன்கூடு கொடுத்திருக்காது என்று எப்படி நம்புகிறார்கள்...? அந்த பெண் பதிவரின் போலி பக்கத்தினை தேன்கூடில் பார்த்ததாக ஒருவர் சொல்லி இருக்கிறாரே?

ஒருவித உள்நோக்கத்தோடும், சல்மாவை காப்பாற்றும் எண்ணத்தோடும் அவர்கள் செயல்படுவார்கள் என்பதை நாம் அறிந்திருந்தாலும் கூட தமிழ்மணம் திரட்டியின் மீது அவதூறுகளை வீசவேண்டியதின் அவசியம் என்ன என்பது தான் புரியவில்லை.

திறமையான Counter வைத்திருப்பவர்களால் மிகச்சுலபமாக ஐ.பி. எண்ணை கண்டுபிடிக்க இயலும் அல்லவா? இதைக்கூட சாதிவெறி மடையர்களால் யோசிக்க இயலாதா?

தமிழ்மணம் நிர்வாகம் பயனாளிகளுக்கு அச்சுறுத்தல் கொடுக்கக் கூடிய எந்த வேலையையும் செய்யாது என்று விளக்கம் அளித்தப்பிறகும், அதன் சட்ட திட்டங்களை மிகத்தெளிவாக எடுத்துக் காட்டியும் கூட தொடரந்து தமிழ்மணம் மீது இவர்கள் சேறு பூசவேண்டிய அவசியம் தான் என்ன?

இந்த மத, சாதி வெறியர்களின் மடத்தனத்தை கண்டித்து கீழ்க்கண்ட பேட்ஜ் ஒன்றினை என் வலைப்பூவின் முகப்பில் அணிய இருக்கிறேன். சாதி, மதவெறியர்களின் கொட்டத்தை அடக்க நினைக்கும் பதிவர்களும் தயவுசெய்து தங்கள் டெம்ப்ளேட்டில் இந்த பேட்ஜை அணியுமாறு தாழ்மையுடன் கேட்டுக் கொள்கிறேன்.



இந்த பேட்ஜை உங்கள் அடைப்பலகையில் அணிய நண்பர் பாலபாரதி ஒரு Widget உருவாக்கியிருக்கிறார். இங்கே அமுக்கி பயன்பெறவும்.

கருப்பு, சிவப்பு நிறம் நிறைய பதிவர்களுக்கு பிரச்சினை தருவதாக பின்னூட்டத்தில் குறிப்பிடுகிறார்கள். அவர்களுக்காக பச்சைநிற பேட்ஜ் ஒன்று இதோ :